Plantun de Prouvènço

Pèr coumpara dos planto d'encò nostre

Moneses uniflora & Genista radiata

Moneses uniflora

Ericaceae

Nom en français : Pirole à une fleur.

Descripcioun :
Aquelo pirolo trachis en coulounìo souto li pin e li sapiniero de mountagno. Li fueio, basalo, soun un pau roundo, entiero e dentado em'un long pecou, rèston dóu tèms de l'ivèr. Coume soun noum lou dis, fai uno souleto flour, aquelo èi plato e sènt qu'embaumo. Coumpara emé li pirolo di gènre Orthilia e Pyrola.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 10 cm
Fueio : basalo
Tipe bioulougico : Camefite
Cicle bioulougico : Planto renadivo

Gènre : Moneses
Famiho : Ericaceae

Ordre : Ericales

Coulour de la flour : Blanco
Petalo : 4
Ø (o loungour) flour : 1,5 à 2 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Jun à juliet

Liò : Pinedo - Sapiniero
Estànci : Subremediterran à Subaupen
Couroulougi : Bourealo
Ref. sc. : Moneses uniflora (L.) A.Gray, 1848

Genèsto(-di-ramo-rajanto)

Genista radiata

Fabaceae Leguminosae

Nom en français : Genêt à rameaux rayonnants.

Descripcioun :
Aquesto genèsto es un aubret apara proun rare au nostre. S'atrovo à Luro (04) e à Cèuse (05). Trachis sus li pendis d'aquésti mountagno dessus 1400 m, ounte fai de mato de bouissoun. Se recounèis à si ramo argentado que parton d'un soulet poun.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Aubret
Taio : 30 à 80 cm
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Genista
Famiho : Fabaceae
Famiho classico : Leguminosae

Ordre : Fabales

Coulour de la flour : Jauno
Petalo : irreguliero
Ø (o loungour) flour : 10 à 15 mm
Flourido : Printèms - Estiéu

Sòu : Ca
Autour basso e auto : 1400 à 1800 m
Aparado : Vo
Mai à juliet

Liò : Champino
Estànci : Mountagnard
Couroulougi : Ouroufito-Sud-Éuroupenco
Ref. sc. : Genista radiata (L.) Scop., 1772

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Moneses uniflora & Genista radiata

ges

Coumpara Pirolo(-à-uno-flour) emé uno autro planto

Coumpara Genèsto(-di-ramo-rajanto) emé uno autro planto